ASFALTOKIA Arabako Mendialdearen historia berezia berreskuratu eta balioesteko sortu den proiektua da, salbuespen geologiko batek markatutako eskualdea: diapiro baten presentzia. Fenomeno natural hau, mendeetan zehar, baliabide bakar baten jatorria izan zen, asfalto naturalarena, zeinaren aprobetxamenduak inguruko bizitza sozial, ekonomiko eta historikoa sakonki eraldatu zuen.
Proiektu honen bidez, ondare berezi horren zabalkundea eta ezagutza sustatzen da, hainbat ekintza eta tresnaren bidez, hala nola Lucia meategira bisita gidatuak, Asfalto Naturalen Ibilbidea eta Asfalto Naturalen Interpretazio Zentroa bera, Atauriko geltoki zaharrean dagoena. Horrela, ondare hori jendeari hurbiltzeko proposamen oso bat eratzen da.
